سلطة بشكل راقي بمكونات جد بسيطة

المقادير

بيري البطاطس

 غنحتاجو فيه 6 بطاطات متوسطين مسلوقين و مطحونين فالطحانة اليدوية +مليحة+شوييية زيت زيتون+ شوية فرماج احمر محكوك نخدمو معاها هادشي و هي مازالة سخونة

3 خيزو مسلوق و محكوك غليظ

3 باربا مسلوقة و محكوكة غليظة

روز مسلوق مع مليحة و مصفي

مايونيز 

للتزيين:

-مايونيز

-بيضة مسلوقة محكوكة 

-كاشير محكوك

طريقة التحضير

في صحن نفرةشو ورق سولفيريزي و نحطو الاطار لي غنمونطيو فيه السلطة

نفرشو طبق من معجون البطاطا و نطلعوه حتى لجوانب الاطار كما فالصورة و ندخلوها للثلاجة 15 دقيقة

نخرجوها و نديرو طبقة ديال الجزر ثم طبقة روز مخلط مع المايونيز ثم طبقة ديال الباربا و مرة اخرى طبقة من الروز مع المايونيز

و في الاخير نسدو بطبقة من معجون البطاطا و نضغطو برفق بيدينا و نرجعوها للثلاجة 30 دقيقة

نخرجوها و نقلبوها فطبق التقديم و ندهنو ها كاملة بشوية مايونيز نرشو البيضة المحكوكة على الوجه و نزينو الجوانب بالكاشير

و بالصحة و راحة

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.